Nagalak si Senador Panfilo ‘Ping’ Lacson sa mabilis na pagbasura ng House committee on justice sa impeachment complaint laban kay Supreme Court Associate Justice Marvic Leonen.

Sa tweet ni Lacson, sinabi nito na maganda para sa Senado ang hindi pag-abante ng naturang reklamo na inihain ni Edwin Cordevilla, secretary-general ng Filipino League of Advocates For Good Government.

Aniya, bawas ang kanilang trabaho bilang senador sa pagbara sa reklamo kontra Leonen.

“House Justice Committee junks impeachment complaint vs Justice Leonen: This is good. Less Senate work over nothing… pala!” saad ni Lacson.

Sa botong 37-0, hindi lumusot sa House panel ang pagpapatalsik kay Leonen dahil sa umano’y betrayal of public trust.

The post Bawas trabaho! Lacson natuwa sa pagbasura ng impeachment vs Leonen first appeared on Abante TNT Breaking News.

Source: Abante (https://tnt.abante.com.ph/bawas-trabaho-lacson-natuwa-sa-pagbasura-ng-impeachment-vs-leonen/?utm_source=rss&utm_medium=rss&utm_campaign=bawas-trabaho-lacson-natuwa-sa-pagbasura-ng-impeachment-vs-leonen)