Tinitiis ng isang 75-anyos na lola ang pagod at matinding init para makakuha ng tubig na kailangan niya sa araw-araw.

Nakatira si Lola Matilde sa Sitio Calibasan sa Toledo City, Cebu, na walang maayos na supply ng tubig.

Kaya naman kailangan ni Matilde na umakyat ng bundok para makakuha ng 12 litro ng tubig para magamit panglinis, panglaba at pati na rin pang-inom.

“Palagi akong nadudulas diyan sa daanan. Humahawak talaga ako nang mahigpit dahil nadadala ako ng aking karga na gallon. Gumulong talaga ako diyan. Napagulong ako,” saad ni lola sa ‘Kapuso Mo, Jessica Soho’.

Aniya, mayroon puwedeng kumuha ng tubig sa kanya, ngunit ang singil ay P35 kada galon na hindi niya kakayanin.

Kaya naman para makatipid ay inuulit ni Matilde ang paggamit sa tubig para hindi masayang.

Dumulog na ang KMJS team sa local government ng Toledo, at nangako ang Department of Public Works and Highways 3rd District na iinspeksyunin ang nasabing lugar.

The post Lola umaakyat ng bundok para mag-igib ng tubig first appeared on Abante TNT Breaking News.

Source: Abante (https://tnt.abante.com.ph/lola-umaakyat-ng-bundok-para-mag-igib-ng-tubig/?utm_source=rss&utm_medium=rss&utm_campaign=lola-umaakyat-ng-bundok-para-mag-igib-ng-tubig)