Kasama na sa A4 priority group ng national vaccination program ang mga call center agent at mga kawani ng Commission on Elections (Comelec).

Ito ang inanunsiyo ni Presidential Spokesman Harry Roque matapos ang pulong ng Inter-Agency Task Force for the Management of Emerging Infectious Diseases nitong Biyernes.

Sinabi ni Roque na kabilang ang mga manggagawa ng business process outsourcing (BPO) sa mga frontline employees na dapat mabigyan ng agarang proteksiyon laban sa COVID-19.

“On vaccination, the frontline employees of the business process outsourcing industry and the frontline employees of the Commission on Elections have been recommended to the iNTAG to be included in the priority group A4,” ani Roque.

Kasabay nito, pasok na rin sa priority group A4.2 ang LPG dealers, retailers at attendants sa ilalim ng kategorya ng retail trade operators and frontliners.

“Liquefied petroleum gas dealers, retailers and attendants now form part of the approved priority group A4.2 for vaccine deployment under the ‘retail trade operators and frontliners’,” dagdag ni Roque.

The post Mga Comelec employee pasok sa A4 priority list ng bakuna first appeared on Abante TNT Breaking News.

Source: Abante (https://tnt.abante.com.ph/mga-comelec-employee-pasok-sa-a4-priority-list-ng-bakuna/?utm_source=rss&utm_medium=rss&utm_campaign=mga-comelec-employee-pasok-sa-a4-priority-list-ng-bakuna)