Dapat maglunsad ng Department of Health ng malawakang kampanya para mapalakas ang kumpiyansa ng publiko sa COVID-19 vaccination program ng pamahalaan habang hinihintay ang pagdating ng maramihang suplay ng bakuna sa bansa laban sa virus.

Ito ay ipinaalala ni Senador Panfilo Lacson na nagbabala na maaaring masayang ang dumating na bakuna dahil maraming Pilipino ang walang tiwala rito.

“What our officials including Health Sec. Francisco Duque III should do is improve the public’s trust in vaccines, instead of just announcing when the vaccines will arrive. Besides, if very few Filipinos are willing to be vaccinated, the vaccines that actually arrive may go to waste,” pahayag ni Lacson.

Sabi ni Lacson, bagama’t ginagawa ng pamahalaan ang lahat para maipasok ang mga bakuna, baka masira lang ito dahil maraming Pilipino ang ayaw magpabakuna.

Saad pa nito, kailangan mag-focus ang DOH sa ‘prevention and cure’ at hindi lang sa pag-ulat ng mga nag-positive at namatay sa COVID-19.

“Lagi natin tinitingnan araw-araw, binibilang natin ilan natamaan ng COVID, ilan namamatay. Hindi ba dapat forward-looking tayo?” tanong ni Lacson.

“Kausapin natin ang mga kababayan natin, magkaroon tayo ng information campaign. Magtiwala kayo sa bakuna kasi sa ngayon wala tayong ibang makakapitan kundi ang bakuna,” dagdag ng senador.

The post Vaccine rollout ikampanya para magtiwala taumbayan – Lacson first appeared on Abante TNT Breaking News.

Source: Abante (https://tnt.abante.com.ph/vaccine-rollout-ikampanya-para-magtiwala-taumbayan-lacson/?utm_source=rss&utm_medium=rss&utm_campaign=vaccine-rollout-ikampanya-para-magtiwala-taumbayan-lacson)