Matabang si Albay Rep. Joey Salceda sa posibleng tandem nina Davao City Mayor Sara Duterte at Pangulong Rodrigo Duterte sa 2022 elections.

Ayon kay Salceda, dapat ay kumuha si Inday Sara ng running mate na galing sa ibang rehiyon para mas dumami pa ang boto.

“If you want to ensure that you’re winning, you better have a geographical balance,” saad ni Salceda sa panayam ng ‘Sa Totoo Lang’ sa One PH.

“I want her to win. So my advice is get somebody to add more votes to you…. Not just [someone from another] region but a personality,” aniya pa.

Dagdag pa ni Salceda, mas maganda na balansyado dahil karaniwan ay nabubuhos ang mga project sa balwarte ng Pangulo.

“Mas maganda kung balansyado po talaga because the tendency [is] kung taga saan ang presidente, nandoon lahat ng project,” ayon pa kay Salceda.

Nang matanong naman kung pasok ba si dating senador Bongbong Marcos, sinabi ni Salceda na posibleng running mate si BBM, na malakas sa Ilocos.

The post BBM mas bagay kay Sara! Salceda tutol sa Duterte-Duterte tandem first appeared on Abante TNT Breaking News.

Source: Abante (https://tnt.abante.com.ph/bbm-mas-bagay-kay-sara-salceda-tutol-sa-duterte-duterte-tandem/?utm_source=rss&utm_medium=rss&utm_campaign=bbm-mas-bagay-kay-sara-salceda-tutol-sa-duterte-duterte-tandem)