Nagsalita na si Davao City Mayor Sara Duterte sa maugong na posibleng pagtakbo niya sa pagka-Pangulo, kung saan si Pangulong Rodrigo Duterte ang umano’y kanyang running mate.

Ayon kay Sara, hindi na dapat pag-usapan ang Duterte-Duterte tandem lalo’t mismong ang kanyang ama ang nagsabi na hindi siya pasadong Pangulo dahil siya’y babae.

“I do not understand why 1Sambayan and the Palace are playing a slapping game about a Duterte-Duterte tandem. The President already said I am not fit to be president because I am woman,” sambit ni Sara sa report ng One News.

Hindi rin kinumpirma ni Inday Sara kung kasado na siyang tumakbo sa pagka-Pangulo sa 2022.

Matatandaan na sinabi ni Albay 2nd District Rep. Joey Salceda na sigurado umanong tatakbo si Sara para maging susunod na Presidente ng Pilipinas.

Isa pa sa nag-udyok sa alkalde ay si dating Defense Secretary Gibo Teodoro, kung saan sinabi nito na bukas siyang tumakbong Bise Presidente bilang running mate ni Sara.

The post Inday Sara: Duterte-Duterte tandem malabo sa 2022 first appeared on Abante TNT Breaking News.

Source: Abante (https://tnt.abante.com.ph/inday-sara-duterte-duterte-tandem-malabo-sa-2022/)