Walang duda, tatakbong Pangulo si Davao City Mayor Sara Duterte para sa 2022 national elections.

Ayon ‘yan kay Albay 2nd District Rep. Joey Salceda, kung saan base umano sa pag-uusap nila ni Inday Sara ay nagpapahiwatig na target ng alkalde ang kasalukuyang posisyon ng kanyang ama na si Pangulong Rodrigo Duterte.

“Marami akong exchange of texts with her and I can tell you that she is really running,” ayon kay Salceda sa panayam ng ‘Sa Totoo Lang’ sa One PH.

“I’m sure that Sara will run.”

Ayon pa kay Salceda, mayroon nang mga kaalyadong hinanda si Inday Sara para sa 2022 elections.

Dagdag pa ng kongresista, hindi kawalan para sa anak ng Pangulo kung hindi ito kabilang sa PDP-Laban, dahil limang partido umano ang suportado si Inday Sara bilang presidente.

Dati nang sinabi ni Inday Sara na baka sa 2034 pa niya maisipang tumakbo sa pagka-Pangulo.

The post Sara Duterte sure na tatakbong Pangulo – Salceda first appeared on Abante TNT Breaking News.

Source: Abante (https://tnt.abante.com.ph/sara-duterte-sure-na-tatakbong-pangulo-salceda/?utm_source=rss&utm_medium=rss&utm_campaign=sara-duterte-sure-na-tatakbong-pangulo-salceda)