Pinasilip ni Eastern Samar Governor Ben Evardone ang 16 personalidad na posible umanong ipambato ng administrasyon sa pagka-senador pagdating ng 2022 elections.

Kasama sa listahan ang mga TV personality na sina Robin Padilla, Willie Revillame, at Raffy Tulfo.

Naroon din ang mga miyembro ng kasalukuyang gabinete na sina Cabinet Secretary Karlo Nograles, Labor Secretary Silvestre Bello III, Presidential Spokesperson Harry Roque, Transportation Secretary Arthur Tugade, Public Works and Highways Secretary Mark Villar, Chief Presidential Legal Counsel Salvador Panelo, Presidential Communications Operations Office Secretary Martin Andanar, MMDA Chairman Benhur Abalos at PACC Chairman Greco Belgica.

Sinama rin si re-electionist Senator Juan Miguel Zubiri, dating Senador JV Ejercito, Antique Rep. at dating Senador Loren Legarda, at dating Senador at ngayo’y Information and Communications Technology Secretary na si Gregorio Honasan II.

Ayon kay Evardone, ikinokonsidera pa lamang ng Pangulong Rodrigo Duterte ang mga nasa listahan at wala pang kompirmasyon.

Si Everdone ay tumatayong vice president for Visayas sa PDP-Laban.

The post 16 posibleng pambato ng PDP-Laban sa Senado, ibinuking first appeared on Abante TNT Breaking News.

Source: Abante (https://tnt.abante.com.ph/16-posibleng-pambato-ng-pdp-laban-sa-senado-ibinuking/)