Ibang brand at kulay na ang isusuot ng Aura PH sa MPL Season 8, sapagkat makikilala na sila bilang Echo Esports.

Mananatili pa rin ang ilan sa dati nilang manlalaro mula season 7 na sina Christian ‘Rafflesia’ Fajura, Benedict ‘Bennyqt’ Gonzales at Mark ‘Hadess’ Lazaro.

Sasamahan sila ng mga bagong recruit na sina Jankurt ‘Kurtzy’ Matira, Jay ‘Jaymeister’ Torculas, Joshua ‘Aspect’ Tating, Aaron ‘AaronQT’ Lim, at dating DOTA 2 player na si Kenneth ‘FlySolo’ Coloma.

May dalawang rookies din ang koponan sa katauhan nina RK3 at Invoker.

Si Steven ‘Dale’ Vitug naman ang coach ng Echo.

Ilan sa mahahalagang piyesa mula sa nakaraang season ang nawala sa Echo, matapos magretiro si Jaypee ‘Jaypee’ Dela Cruz at magpahinga ni Ashley ‘Killuash’ Cruz.

Lumipat na rin papuntang ONIC PH si Allen ‘Greed’ Baloy.

The post Aura PH bagong anyo first appeared on Abante TNT Breaking News.

Source: Abante (https://tnt.abante.com.ph/aura-ph-bagong-anyo/)