Nagpapahiwatig na ba si Pangulong Rodrigo Duterte na kanyang susuportahan si Senate President Vicente ‘Tito’ Sotto III sakaling tumakbo ito sa pagka-bise presidente?

Sa talumpati ng Pangulo sa Clark International Airport, pabiro nitong pinawag na ‘Vice President’ si Sotto.

“President Gloria Macapagal Arroyo, Vice President Vicente Sotto… ay, ay, ay, ay, ay! ‘Senate President,’” lahad ni Duterte.

Napakamot na lang sa ulo ang Senate President habang tumatawa ang mga dumalo sa event.

Matatandaan na pinag-iisipan ni Sotto ang pagtakbo sa 2022, kung saan balak nitong maka-tandem si Senator Panfilo ‘Ping’ Lacson.

Dati na ring sinabi ng Malacañang na kanilang tanggap ang posibleng tambalan nina Lacson at Sotto.

“We wish them the very best because, in a democracy, kinakailangan may pinagpipilian ang taumbayan,” sambit ni presidential spokesperson Harry Roque.

The post Duterte ‘Vice President’ na tawag kay Sotto first appeared on Abante TNT Breaking News.

Source: Abante (https://tnt.abante.com.ph/duterte-vice-president-na-tawag-kay-sotto/)