Malinis umano ang pangalan ni dating presidential adviser Michael Yang kaugnay sa iligal na droga, ayon kay Philippine Drug Enforcement Agency (PDEA) Director General Wilkins Villanueva.

Bukod sa pagkakadawit ni Yang sa kontrobersyal na Pharmally Pharmaceutical company na sangkot umano sa overpriced health equipment, lumutang din ang kanyang koneksyon sa Chinese businessman na si Allan Lim tungkol sa pagbebenta ng iligal na droga.

Dagdag pa rito, nadawit din ang pangalan ni Yang sa mga kasabwat umano ni Pangulong Rodrigo Duterte sa droga, ayon sa testimonya ng dating pulis na si Eduardo Acierto noong 2019.

Ngunit ngayong Martes, nilinaw ni Villanueva ang mga alegasyon kay Yang.

“Kahit hagilapin mo lahat, Sir, walang Michael Yang diyan,” ani Villanueva.

“We know the personalities [involved in drugs],” dugtong pa niya.

The post Pangalan malinis! Michael Yang ‘di drug lord – PDEA first appeared on Abante TNT Breaking News.

Source: Abante (https://tnt.abante.com.ph/pangalan-malinis-michael-yang-di-drug-lord-pdea/?utm_source=rss&utm_medium=rss&utm_campaign=pangalan-malinis-michael-yang-di-drug-lord-pdea)