Arestado ang UFC legend na si Jon Jones matapos umanong magwala sa Las Vegas nitong Sabado (oras sa Pilipinas).

Ayon sa ulat ng ESPN, kinasuhan si Jones ng misdemeanor battery domestic violence at injuring or tampering with a vehicle, a felony.

Nagkakahalaga lamang ng $8,000 ang piyansa ng UFC fighter ngunit kailangang manatili sa piitan sa loob ng 12 oras.

Nakatakda naman siyang humarap sa Las Vegas Justice Court sa Linggo (oras sa Pilipinas).

Samantala, hindi na nagulat si UFC President Dana White sa inasal ng 34-gulang na MMA fighter.

“It’s not even shocking anymore. When we bring him here, it’s almost expected. We can’t even get him to Las Vegas for less than 12 hours and induct him into the Hall of Fame. It’s a problem. This guy’s got a lot of demons, man, a lot of demons,” wika ni White.

Sinabi naman ng adviser ni Jones na si Richard Schaefer na inaalam pa nila ang buong detalye sa pagkaaresto sa dating two-time UFC Light Heavyweight Champion.

The post UFC: Jon Jones nagwala sa Las Vegas first appeared on Abante TNT Breaking News.

Source: Abante (https://tnt.abante.com.ph/ufc-jon-jones-nagwala-sa-las-vegas/?utm_source=rss&utm_medium=rss&utm_campaign=ufc-jon-jones-nagwala-sa-las-vegas)