Pinangalanan na ni presidential aspirant at Senador Manny Pacquiao ang pitong kandidato niya sa pagka-senador para sa eleksiyon 2022.

Kabilang sa mga guest candidate na reelectionist senators sina Senate Majority Leader Juan Miguel Zubiri at Joel Villlanueva, dating Vice President Jejomar Binay at media personality na si Raffy Tulfo.

Kasama din sa senatorial ticket bilang guest candidate sina dating senador Francis Escudero, Loren Legarda at dating Senate Secretary Lutgardo Barbo.

“Hindi lang namin binuo dahil maraming guest candidates sa ating mga senador at hindi naman natin sila kino-korner dahil senatorial ang tinatakbuhan nila,” sabi ni Pacquiao sa panayam sa ANC.

“Pito o walo yung senatorial line-up natin. May bakante pa dahil yung ibang kandidato na gustong mag-apply na guest candidate ay open tayo,” dagdag pa nito. (Dindo Matining)

The post 7 senatoriables pinangalanan na ni Pacquiao first appeared on Abante TNT Breaking News.

Source: Abante (https://tnt.abante.com.ph/7-senatoriables-pinangalanan-na-ni-pacquiao/?utm_source=rss&utm_medium=rss&utm_campaign=7-senatoriables-pinangalanan-na-ni-pacquiao)