Kinumpirma ni Pangulong Rodrigo Duterte na tatakbo ang anak niyang si Davao City Mayor Sara Duterte-Carpio sa pagkapangulo sa Eleksiyon 2022.

Sambit niya, siya ang magiging ka-tandem ni vice presidential aspirant Senador Bong Go sa kampanya.

“Sara-Go na,” tugon niya nang tanungin kung matutuloy pa ang tandem matapos maghain ng certificate candidacy (COC) ng Senador nitong Sabado.

Samantala, hindi naman daw alam ni Duterte kung kailan maghahain ng COC si Inday Sara.

Kahapon lamang nang maghain ng COC para sa reelection bilang Davao City mayor si Sara.

Kasabay nito, naghain din sa kaparehong araw si Go para sa pagtakbo bilang bise presidente sa susunod na taon. (VA)

The post Inday Sara tatakbong pangulo, partner ni Bong Go – Duterte first appeared on Abante TNT Breaking News.

Source: Abante (https://tnt.abante.com.ph/inday-sara-tatakbong-pangulo-partner-ni-bong-go-duterte/?utm_source=rss&utm_medium=rss&utm_campaign=inday-sara-tatakbong-pangulo-partner-ni-bong-go-duterte)