Itinali ng Rain or Shine sina Anton Asistio at Norbert Torres nang tigalawa pang mga taon.

Ibinahagi ng Elasto Painters Martes ang pagpirma ng dalawang player sa bagong kasunduan.

Kasama sa contract signing sina team active consultant at basketball operations head Carlos ‘Caloy’ Garcia, assistant team manager Jireh Ibanez, RoS governor Atty. Mamerto Mondragon at player agent Marvin Espiritu.

Sa natapos na 46th Philippine Basketball Association 2021Philippine Cup semi-bubble sa Bacolor, Pampanga nitong Oktubre, pumoste si Torres ng average na 7.73 points, 3.64 rebounds habang nagtala si Asistio ng 6.29 markers, 2.0 assists, 1.57 boards sa kampo ng pintura.

Umabot hanggang quarterfinals ang Rain or Shine sa naturang all-Pinoy conference.

The post Asistio, Torres pipirmi pa sa Rain or Shine first appeared on Abante TNT Breaking News.

Source: Abante (https://tnt.abante.com.ph/asistio-torres-pipirmi-pa-sa-rain-or-shine/?utm_source=rss&utm_medium=rss&utm_campaign=asistio-torres-pipirmi-pa-sa-rain-or-shine)