Umukit ng triple double performance sina LeBron James at Russell Westbrook upang buhatin ang Los Angeles Lakers tungo sa 132-123 panalo kontra Houston Rockets ngayong Miyerkoles.

Kumamada si James ng 32 points, 11 rebounds, at 11 assists, habang may 24 points, 12 rebounds at 10 assists naman si Westbrook kaya’t naputol na ang five-game losing streak ng Lakers at naiangat sa 17-18 ang kanilang kartada.

Nakakuha rin ang dalawa ng suporta mula kay Malik Monk na pumutok sa 25 points, at may 24 points naman ang beteranong si Carmelo Anthony.

Nagawa pang makasabay ng Rockets ngunit tumiklop sa huling dalawang minuto ng laban.

Bumida para sa Houston si Jalen Green sa kanyang 24 points, habang may tig-22 points sina Kevin Porter at Christian Wood. (mjd)

Jak Roberto isiniwalat kung kailan siya na-inlab kay Barbie Forteza

The post Triple double nina LeBron, Westbrook bumuhat sa Lakers first appeared on Abante TNT Breaking News.

Source: Abante (https://tnt.abante.com.ph/triple-double-nina-lebron-westbrook-bumuhat-sa-lakers/?utm_source=rss&utm_medium=rss&utm_campaign=triple-double-nina-lebron-westbrook-bumuhat-sa-lakers)