Nakikita ni dating executive secretary Paquito Ochoa Jr. na si Senador Panfilo Lacson lamang ay may malinaw na direksyon para sa bansa sakaling manalo itong pangulo sa darating na halalan.

Ang mga plataporma ng bawat pangulo ay unti-unti nang nauungkat sa mga presidential interview na hinost nina Jessica Soho at Boy Abunda.

Ani Ochoa, na executive secretary sa panahon ni yumaong dating pangulo Noynoy Aquino, nakita sa mga presidential interview na si Lacson ang may pinakamalinaw na direksyon para sa bansa.

“Siya (Ping Lacson) ‘yung may pinakamaliwanag na direksyon para sa Pilipinas,” saad sa text message ni Ochoa sa Politiko website.

Ilan sa mga nabigyang-linaw ni Lacson sa mga naganap na presidential interview ay ang solusyon niya sa COVID pandemic, korapsyon, ilegal na droga, at girian sa West Philippine Sea. (MJD)

‘Best of Sportalakan’ Sabong edition

The post Direksyon ni Ping para sa ‘Pinas malinaw pa sa sikat ng araw – dating ES Ochoa first appeared on Abante TNT Breaking News.

Source: Abante (https://tnt.abante.com.ph/direksyon-ni-ping-para-sa-pinas-4-malinaw-pa-sa-sikat-ng-araw-dating-es-ochoa-4/?utm_source=rss&utm_medium=rss&utm_campaign=direksyon-ni-ping-para-sa-pinas-4-malinaw-pa-sa-sikat-ng-araw-dating-es-ochoa-4)