Nadagdagan ang listahan ng mga lungsod at lalawigan na nasa Alert Leverl 3 matapos aprubahan ng Inter-Agency Task Force ang rekomendasyon ng paghihigpit dahil sa mabilis na pagtaas ng mga tinatamaan ng COVID-19.

Batay sa inilabas na anunsiyo ni acting Presidential Spokesman Karlo Nograles, ang mga inilagay sa Alert Level 3 ay ilang lugar sa Region 1, 2, 3, 4-A, 5, 6 at 7.

Kabilang dito ang Baguio City; Santiago City; Cagayan; Angeles City; Bataan; Olongapo City; Pampanga; Zambales; Batangas; Lucena City; Naga City; Iloilo City; at Lapu-lapu City.

“The Inter-Agency Task Force (IATF) approved today, January 6, 2022, the recommendation of its sub-Technical Working Group on Data Analytics to escalate the following cities and provinces to Alert Level 3, ” ani Nograles.

Magiging epektibo ang Alert Level 3 simula January 9 hanggang January 15, 2022.

Nauna nang inilagay sa Alert Level 3 ang Metro Manila, Bulacan, Cavite, Rizal at Laguna dahil sa mabilis na pagkalat ng kontaminasyon ng Omicron COVID variant. (Aileen Taliping)

‘Best of Sportalakan’ Sabong edition

The post Ilang lalawigan, lungsod inilagay sa Alert Level 3 dahil sa pataas kaso ng Covid first appeared on Abante TNT Breaking News.

Source: Abante (https://tnt.abante.com.ph/ilang-lalawigan-lungsod-inilagay-sa-alert-level-3-dahil-sa-pataas-kaso-ng-covid/?utm_source=rss&utm_medium=rss&utm_campaign=ilang-lalawigan-lungsod-inilagay-sa-alert-level-3-dahil-sa-pataas-kaso-ng-covid)