May gustong gusto gawin si Vice Ganda kasama si Alden Richards.

Sa vlog ni Dr. Vicki Belo, nilantad ni Vice na pangarap niyang makatrabaho sa isang pelikula si Alden Richards.

Mahirap kasing magtagpo ang dalawa lalo’t bukod sa magkaiba sila ng network, magkatapat pa ang noontime show kung saan sila host.

“Gustong gusto ko makagawa ng pelikula kasama si Alden, kasama si Maine (Mendoza), kung may pagkakataon,” sey ni Vice.

Gumawa rin ng virtual message si Vice na gusto niyang ipaabot sa ‘Pambansang Bae’.

“Would it be possible na pumayag ka ng movie kasama ko? At kung opo, anong concept?” lahad pa ng ‘Unkabogable’ star.

“Sana magkasama kami. Super gusto ko ‘yan si Alden. Tsaka ang bait-bait niyan. Ang bait din niyan sa’kin kapag nagkikita kami, binabati din ako. Sana magawa tayo ng pelikula Alden, super love ko ‘yun,” aniya pa.

Madalas daw siyang magpa-picture kay Alden tuwing nagkikita sila sa mga awards night at talaga raw napakabait ng Kapuso star sa personal.

The post Vice Ganda gustong ma-experience si Alden first appeared on Abante TNT Breaking News.

Source: Abante (https://tnt.abante.com.ph/vice-ganda-gustong-ma-experience-si-alden/?utm_source=rss&utm_medium=rss&utm_campaign=vice-ganda-gustong-ma-experience-si-alden)