Pinabulaanan ng singer at host na si Jugs Jugueta ang mga paratang ni Lolit Solis tungkol kay Vice Ganda.

Ayon kasi sa Instagram post ni Lolit, may nakarating umanong balita sa kaniya na si Vice na umano ang nagpapatakbo sa “It’s Showtime” at nagpa-power tripping din umano ito sa ibang host.

Aniya, marami umanong horror story ang kumakalat dahil sa ugali ni Vice.

Dahil dito, hindi napigilan ni Jugs ang mag-comment.

Sinabi ni Jugs na humanap ng ibang source na Marites si Manay Lolit dahil masaya naman umano sila sa nasabing show.

“Hanap po kayo ng bago ninyong source na Maritess, Tita… MASAYANG MASAYA PO KAMI SA SHOWTIME NGAYON!!!! Peace be with you and happy new year!” comment ni Jugs.

Marami namang nagpakita ng suporta kay Jugs sa pagsagot nito kay Lolit.


(Sherrylou Nemis)

The post Vice puro panlalait? Jugs pinatulan si Lolit first appeared on Abante TNT Breaking News.

Source: Abante (https://tnt.abante.com.ph/vice-puro-panlalait-jugs-pinatulan-si-lolit/?utm_source=rss&utm_medium=rss&utm_campaign=vice-puro-panlalait-jugs-pinatulan-si-lolit)