Nanawagan si Senadora Risa Hontiveros sa Department of Public Works and Highways (DPWH) na aksyunan ang reklamo ng mga environmentalist at business group na kumukontra sa pagtatayo ng P23-billion Samal Island-Davao City Connector (SIDC) Bridge.

Sa isang press conference, sinabi ni Hontiveros na dinala niya ang isyu sa deliberasyon ng DPWH budget noong 2023 matapos marinig ang reklamo ng mga naapektuhan ng nasabing proyekto.

Sabi ng senadora, dapat baguhin ng DPWH ang disenyo ng proyekto bukod sa dapat magsagawa rin ng konsultasyon sa iba’t ibang stakeholders.

“The DPWH should do both of those things,” sabi ni Hontiveros.

“I asked the DPWH about it during the last budget hearing and they promised to do an environmental impact study. The oppositors have pointed out that there’s an alternative site for the project,” dagdag pa niya.

Ayon kay Hontiveros, tintutulan ng mga iba’t ibang grupo ang magiging epekto ng nasabing infrastructure project sa sa kalikasan particular sa coral reefs at mangrove areas sa Samal Island.

Sabi pa niya, sa isang pag-aaral ng isang Japanese group, mas makakabubuti umanong kung ililipat ang landing site ng tulay sa government-owned property sa Davao side.

“Why will the DPWH risk the coral reefs and mangroves if there are alternative sites and design for the project?” tanong ni Hontiveros.

“If there are criticisms, findings, recommendations and alternatives, why don’t they consider it? The DPWH should deliver on their promise to do an environmental impact study,” dagdag niya.

Ang SIDC ay isa sa mga pangunahing infrastructure projects na national government ng dating Duterte administration.

Itinatayo ang proyekto sa Brgy. Limao sa Island Garden City ng Samal at Brgys. Vicente Hizon, Sr. Angliongto at R. Castillo sa Davao City.

Ang proyekto, na pinondohan mula sa utang mula sa China, ay iginawad sa China Road and Bridge Corporation, isang state-owned construction company.

Sinasabi ng mga environmentalist na ang SID bridge foundation sa bahagi ng Samal ay makakasira sa malaking bahagi ng isla, na isang mangrove swamp forest reserve, kaya idineklara ito bilang isang “protected area.” (Dindo Matining)

See Related Story Here:

Hontiveros sa Marcos admin: Gumawa ng tunay na reporma, huwag puro rebranding

The post Hontiveros sa DPWH: Reklamo sa Samal-Davao bridge project aksyunan first appeared on Abante TNT.


Source: Abante TNT