Inihain ni Liberal Party president at Albay Rep. Edcel Lagman ang isang panukala upang maideklara ang Pebrero 25 ng bawat taon bilang regular national public non-working holiday bilang pagdiriwang ng EDSA People Power Revolution.

Sa House Bill 9405, pinabubuhay din ni Lagman ang EDSA Commission, na nilikha ng Executive Order 82 series of 1999, upang siyang gumawa ng plano at magpapatupad nito para sa pagdiriwang ng People Power anniversary.

Ang EDSA Commission ay pamumunuan ng Executive Secretary.

Maglalaan din ng P10 milyon taon-taon sa ilalim ng national budget para sa mga gastusin ng EDSA Commission.

Inihain ni Lagman ang panukala matapos na hindi isama ng MalacaƱang ang EDSA anniversary sa listahan ng mga special non-working holidays para sa susunod na taon.

“The inordinate arrogance of the second Marcos administration in failing to celebrate February 25 as a regular public holiday is a continuing distortion of the verities about the evils and repression of the Marcos martial era,” sabi ni Lagman sa isang pahayag.

“February 25 commemorates the Filipino people’s success in ousting the dictator Marcos, who had to eventually flee to Hawaii where he was in virtual captivity until his death in Honolulu on 28 September 1989,” dagdag pa nito.

Sa isang pahayag, sinabi ng Office of the President na hindi isinama ang EDSA People Power Revolution dahil natapat ito sa araw ng Linggo sa 2024.

“There is a minimal socio-economic impact in declaring such day as a special non-working holiday since it coincides with the rest day for most workers/laborers,” sabi ng OP.

Pero ipinunto ni Lagman na mula ng ipagdiwang ang Pebrero 25 bilang isang national celebration at idinedeklara itong holiday kahit pa matapat sa araw ng Linggo.

“The more Marcos Jr. would sweep under the rug of historical perfidy the profligacy and oppression of his father’s dictatorship, the more unreachable reconciliation and justice will be,” dagdag pa ni Lagman. (Billy Begas)

See Related Story Here:

Duterte admin pinalobo sa bilyon ang spy fund ng OP – Lagman

The post Lagman: EDSA People Power Anniv gawing regular holiday first appeared on Abante TNT.


Source: Abante TNT